Bunty & Bubbly review

Bunty & Bubbly
A long awaited movie (at least for me), Amitji bachhanji & Aby baby casted together first time along with Rani. Apna hero Rakesh (punjabi ascent se pado Rakes) bahut idealistic aadmi bole to ideas wala aadmi hein, aur apni heroin Vimmi bahut hi modelestic bole to Miss India banne ki ichha rakhne wali ladki hein, always singing song "Dhadak Dhadak..." in 2 different cities of UP.

Rakesh ko uske father (Raj Babbar) khandani TT banana chahte hein, jabki wo apni gali mein "Shower" laga kar nahane ka business karna chahta hein, udhar Vimmi ki mummy(Kiran Juneja) aur papa (Punit Issar) uski jald shadi karna chahte hein.

To bhayya ye to hua movie ka introduction, aab ghar per bethkar to Miss India bana nahi ja sakta (ya fir maa baap open minded ho - defence walo ki tarah), aur ghar per beth kar TT hi bana ja sakta hein, Tata / Ambani to nahi, to dono bhaag lete hein.
Movie thodi si "Dil se" se inspired lagti hein, as movie start hui Train ke gane se, aur hero - heroin ki mulakat hoti hein Railway platform per. Milne ka bahana bhi unique hi tha, Vimmi ko Restroom jana hein, aur bahut raat hein, to poore platform per apna Rakesh hi sharif munda najar aata hein.

BHAI YE RAKES - VIMMI KAUN HEIN? FILLUM TO BUNTY BUBBLY KI HEIN !!!

To bhayya ho gaya hero heroin ka milan aur kahani aage badti hein, dono ko samajh mein aa jata hein ki ye duniya bahut nirali hein, jaisa chaho waisa nahi ho sakta. Aur yaha se hota hein Bunty and Bubbly ka janm (janm? movie 20 saal aage nikal gayi kya?, abe yaar sawal hi poochta rahega ya aage bhi padega), ye log Fun ke liye logo ka ullu banana shuru karte, paise ikathhe
karne hein sapno ki dunia mumbai nagri jane ke liye -- yaar ye Yash Chopra bahut partiality karte hein, SRK ho to USA / Switzerland aur Aby baby ko sirf Mumbai :((

Logo ko Ullu banate banate ye poore UP ka daura kar lete hein, jaise ki Bulanadshahr (mera janmsthaan), Lucknow, Banaras, Agra (Taj Mahal bhi to bechna hein na), Bareilly etc.

ABE TANI ISME AMITJI BACHHAN JI KAHA HEIN?

To sahab dil sambhal kar bethiye aur dhamakedaar entry hoti hein DCP Dashrath ki, unko Bunty Bubbly ko pakadne ka jimma mila hein, lekin BnB ko kisi ne nahi dekha hein. Aur fir shuru hota hein Tom & Jerry ka khel, aur as usual baap bete ki mulakat hoti hein, sorry DCP sahab and BnB ki.

Kajra-re Kajra-re Kajrare Kare naina.....

AAJKAL KAWALLI KA DAUR FIR SE AA GAYA HEIN, DON'T MISS "RAITA FAIL GAYA".

Aab movie ka end to karna hi hein, to last mein BnB pakad liye jate hein, aur finally wo log apne bachhe ke saath (shadi movie ke beech mein hi ho jati hein) gao mein settle ho jate hein.

ARE BHAI 1 BAAT BATAO, AMITJI BACHHAN JI KA KOI NAACH NAHI HEIN KYA?

ARE KYA BAAT KAR DI, 1 NAHI 2 GANE HEIN WO BHI BAHUT MAST, WITH SURPRISED PACKAGE, 1 SUNDRI KE SAATH JO AAJKAL AMRICA MEIN BHI POPULAR HO CHUKI HEIN.

Overall, BnB is a "must watch - once", gane kaafi melodious hein. Aby babby ke getups bahut mast hein, typical UP ka bhayya laga hein. Beech beech mein thoda senti bhi hein, but jyada der nahi, movie ka end bhi aisa hi hein.

Aur haan, Dhoom ne 1 naya trend chalu kiya hein, bilkul end mein casting ke saath 1 item number, to isme bhi hein, wo dekhna na bhoole.


-Upanshu