Aisa hi hoon mein

Tuesday, August 16, 2005

Movie Review: The Rising BALLAD of MANGAL PANDEY

Director: Ketan Mehta (Maya Memsahab fame)
Cast: Aamir, Rani, Amisha, Toby Stephens

4 salo ke intejaar ke baad aakhir wo din aa hi gaya ki jab Aamir Khan ko Mangal Pandey ke roop mein dekha. Waise to wo pichle 4 saal se Mangal Pandey hi bana ghoom raha tha, Coke ke sare ads mein wahi Mangal Pandey ki mooche aur choti, aur jab mooche katai to ban gaye bhayya *Manno Bhabhi* (Latest Coke Ad).

Khair sahab, theatre thoda jaldi pahuchna pada ki kahi ticket khatm na ho jaye, sunne mein aaya tha ki log 4 baje aakar hi ticket le gaye the. Yaar ye Amrica mein black mein ticket kyon nahi milti??

Aao sakha aab jara picture ki samiksha bhi kar le: Lekin pehle ye batao ki ye Ketan Mehta se ye Picture direct karane ka idea kiska tha?

Managl Pandey ki story to sabhi ko pata hein, filler ke roop mein 2-3 issues aur bhi uthaye hein, jaise ki "Sati pratha", "Mahilao ko bechna", "Jaat paat", "Angrejo ka bhrastachar", etc. Mangal Pandey character mast tha bhai, gora officer inka friend kyonki inhone uski 1 baar jaan bachai thi, 1 rakassa se (Rani) se pyar mohabbat, bhang ke shaukin. Gora officer bhi sahi tha, apne goro ki hi pole kholta rehta tha, lekin 1 achha kaam kiya ki Amisha ko Sati hone se bachaya aur apne ghar le aaye, aab koi mai ka lal hein ki Gore ke siway usko Amisha ko haath bhi lagaye. Lekin Gore dost officer ne 1 din jhoot bol diya ki Kartoos per charbi nahi hein, aur yaha se shuru ho gaya Mangal Pandey story (waise ye movie ke half hour mein hi ho gaya, lekin aage kya karna hein, ye director ko dhyan aaya first half ke baad). Kuch aur bhi swantatra sainani dikhaye, jaise ki Tatya Tope, Jhansi ki Rani etc.

First half to bahut hi slow hein, second half mein fir bhi thodi pace hein. Gane theek hein, lekin inko gana thoda hard hein. Aamir Khan ne sach mein bahut mehnat kari hein, lekin personally bahut shaandar nahi lage as a Mangal Pandey. AR Rehman ko pehle western music banane ka shauk tha, Lagan se unhe traditional music banane ka shauk lag gaya, bhai trademark ka pata to lagna chahiye na.

Movie patches ke saman hein, Ketan Mehta ke baski sirf Maya Memsahab, Oh Darling ye Hein India, Aar Paar type movie banana hi hein. 1 hi sawal reh jata hein aakhir mein ki is type ki movie ke liye JP Dutta sahab kaha chale gaye the, ya fir Aamir ke liye unke friend Ashutosh?

Lekin 1 baat hein, movie release ki timing sahi thi, close to 15th August. Aab sawal uthta hein ki movie dekhi jaye ki nahi, bhai apna to kehna hein ki Movie dekho, aakhir Aamir khan 4 saal se bade parde se gayab the, lekin theatre mein ticket na mile to jyada tension na le.

0 Comments:

Post a Comment

<< Home