Aakhin dekhi: XBox 360 Launch @ Best Buy Bellevue

Jaiski sabko pata tha ki XBox 360 22nd Nov ko launch ho raha hein, to kuch stores ne raat ko 12:01 AM per hi bechna shuru kar diya, jisme se BestBuy Bellevue bhi 1 tha. Lekin bahut logo ko ye nahi pata tha ki Bill Gates BestBuy, Bellevue per aakar XBox ka shri Ganesh karenge.

To bhayya XBox ki ummeed mein ham bhi pahuch gaya BestBuy, ummeed thi ki XBox khareed lunga aur kismat achhi hui to BillG ke autograph wala hi mil jaye. BestBuy pahuch kar dekha to parking ki jagah hi nahi thi, bahut bheed, 3-4 news channel walo ki badi badi Van, finally bagal ke Home Depot store mein parking mil gayi. Utre to dekha ki bhayya log Sleeping bag mein so rahe hein, bahut hi jyada lambi line bana kar, BBQ chal raha hein, party chal rahi hein, wagera wagera. Thoda pooch taach kari to pata chala ki jitne bhi aage line mein lage hein wo Friday/Saturday se hi waha hein, ji haan Friday/Saturday se. Thodi der baad shore machate hue XBOX ki dev/qa/support/sales team aayi, 1 bechare ko sunkar bada disappointment hua ki jab meine use bola ki mein abhi aadha ghante pehle hi aaya hoon. XBox ki team kuch T-Shirt, balls, frezbee, posters wagera baat rahe the.

Kareeb 11:00 baje BillG aaye, ummeed thi ki Car mein se utrenge, lekin wo to store ke ander se nikal kar aaye, apne ko ummeed hui ki bhai paas mein aakar wo bhi kuch sawal karenge, lekin unhone sabko haath hilaya aur sawal kiye to un logo se jo kai dino se line mein lage the (banta bhi tha unka), aur 2-4 ko apna autographed XBox bhi diya. Khair sahab hame koi ummeed to thi nahi XBox kal milne ki so BillG ko bye bye keh kar, 1 sutta laga kar aur 1 freezbee lekar nikal liye ghar ko.

Public ka pagal pan (aur shayad mera bhi) dekh mein dang reh gaya, itna enthu to tab tha jab paise khurch karke mil raha tha XBox, free mein mil raha hota to pata nahi kitne hafte pehle line lagti.

For complete story browse: http://www.xbox.com/en-US/community/personality/bobby/20051122-midnightmadness.htm