Movie Review : Paheli

Paheli: A movie by Amol Palekar
Music: MM Kohli

Bhai ka kahe Paheli ka baare mein, Paheli saman hi hein. Hamar to ichha bhi naahi thi review likhne ki, lekin blog ko popular karna hein aur janta ki demand per (bhai kaun si janta, kaisi janta?)

Advertise kiya bade bade sitaro ke saath, jaise ki Amit ji bachhan ji, SRK, Sunil Shetty, Rani, Juhi (time aa gaya hein aab inka bhi bhabhi ke role ka), Anupam Kher, lekin picture mein the to sirf SRK aur wo bhi 2-2 and Rani.

Mera beta jaroor 2-2 SRK dekh kar khush hua.

Aayye jara aab picture ka postmortom bhi kar le.

Fillum theek thak hein, kuch khaas nahi. Kahani to Lok Katha hein, lekin Amol sahab purani apni pictures ki tarah thoda majedaar bana sakte the.

1 to hamka bhasha ka naahi samajh mein aawat hein, na jane ki Rajasthani thi ya Bhojpuri. Na jane kaunu pradesh ki bhasha hoti hein hamri movies maa. Waise kuch shabd aise hein movie ke jo utter bharat mein UP, Bihar, MP, Rajasthan har jagah bole aur samjhe jate hein, jaise ki "1 man" = 40KG. Rajasthan ka Culture - wulture bhi kaunu dikhawa, ye to apni bollywood movies ka hi culture hein.

Sunil Shetty aur Amit Ji bachhan ji ke saath to majak hi kar diya Amol Palekar ne, jitna bada advertisement mein naam, utna hi chhota unka footage mili.

Logo ko laga ki Rajasthan dikhayenge, lekin dikhaya Filmcity wala Rajasthan jaise ki Filmcity ka Registaan, Filmcity ki baawdi (aab baawdi kaa howe ye kisi Rajasthani se poocho) .

Haan gane aur kapde achhe hein, baki kachu khaas nahi. Shreya Ghoshal kaafi baad gayi hein. Agar SRK / Rani ke pankhe (fan) hein to dekhe movie, dekh bhi le to koi parwah nahi.

Aajkal ki aur movies ki tarah isme bhi 1 gana hein aakhri mein, wo jaroor dekhe aur sune, achha
hein.

Disclaimer: Kripya is review ko padkar movie dekhne na dekhne ka aadhar na banaye. Movie jaisei bhi lage, apan uski koi jimmedari nahi lenge. Aapka koi bhi statement hame ya hamre keyboard ya hamari prerna ko offensive feel kara sakta hein. Aur kripya comments is blog per chode.

TechEd 2005 trip report

Haal hi mein Microsoft TechEd - Orlando mein jana hua, 1 friend (Sudhir) se phone per baat kar raha tha to uski taraf se sawal aaya ki ye TechEd kya bala hein. To mein uske sawalo ka jawab kuch is tarah se diya:

Sudhir : Oye Upanshu, ye TechEd kya bala hein?

Upanshu : Oye, tujhe TechEd nahi pata? Bhai Sudhir, TechEd Microsoft ka salana mela hein, jo ki May/June ke mahine mein aayojit kiya jata hein.

Sudhir: Achha, ye mela lagta kaha hein?

Upanshu: US ki one of the favourite tourist destination jaise ki San Diego, Orlando, Las Vegas etc, official vacations ke liye ye jagah bahut achhi hein.

Sudhir: Microsfot ye mela, I mean TechEd ayojit karta kyo hein?

Upanshu: Logo ko un products ki nai release date batane ke liye jinki date last TechEd mein announce ki thi.

Sudhir: Isme kaun kaun log jate hein?

Upanshu: Senior managers, jinhe kaam se thodi chutti chahiye aur wo employees jinki manager ke saath jugad ho, aur sales wale jinhe ki TechEd attendees ke email ids ikhatte karne ho.

Sudhir: Bhai ye batao ki TechEd mein log karte kya hein?

Upanshu: Bahut kaam hota hein yaar, jaise ki, subah ka breakfast, uske baad internet and emails, fir lunch, tech session, aur fir expo hall mein jakar T-Shirt / goodies aur shaam ke liye party invitation ikattha karna.

Sudhir: Achha, Microsoft food bhi provide karata hein?

Upanshu: Haan, kaafi healthy food, mere doctor ne mere se khoob vegetables khane ke liye kiaha tha, aur Vegeterian ke liye waha khane mein sirf vegetables hi hoti hein. Mein kaafi taaja aur swasth mehsoos kar raha hoon.

Sudhir: Tu to bata raha thi ki tech sessions bhi hote hein.

Upanshu: Technical Sessions? Oh yes, agar neend aa rahi ho to kisi technical session mein jakar wo poori kar lo.

Sudhir: To tune kitne tech session attend kare?

Upanshu: Meine 22 T-Shirt collect, sorry sorry 22 session attend kiye.

Sudhir: Achha ye sales wale Expo hall mein apne booth per kya karte hein?

Upanshu: Bahut busy rehte hein bechare, attendees ko games khilana hein, T-Shirt / goodies baatna aur doosre companies ke sales walo se goodies exchange karna.

Sudhir: Mein soch raha hoon ki agle saal mein bhi official chuttiya mana aao.

Upanshu: Are agle saal kyon, September mein Los Angeles mein PDC hein na, bas ye dhyan rakhna ki koi tere yaha se senior manager na jaye.

Sudhir: Wo Kyo?

Upanshu: Are yaar, baad mein unke boss ke liye sorry unke liye tumhe Trip report likhni padti hein na, wo bhi 2 ghante ke notice per. Aur 2 ghante mein to sari presentations download bhi nahi kar sakte.

Sudhir: BTW: tu kya karne gaya tha?
Upanshu: Actually, mera beta bahut din se Disneyland and Sea World jane ke liye bol raha tha aur meri wife ko Treasure-Island ki rides leni thi.

Sudhir: Hmmm... Kafi busy rehte ho, bore nahi ho jate 1 hafta kya?

Upanshu: Bore hone ka to sawal hi nahi, din mein X-Box, shaam ko shaandar se club mein party ya Jam Session, 1 din Universal studios mein party aur baki to tune meri pictures dekhi hi:

TechEd Pictures